গোপীগীতম্
গোপীগীতম্
গোপ্য ঊচুঃ ।
জয়তি তেঽধিকং জন্মনা ব্রজঃ
শ্রয়ত ইন্দিরা শশ্বদত্র হি ।
দয়িত দৃশ্যতাং দিক্ষু তাবকা-
স্ত্বয়ি ধৃতাসবস্ত্বাং বিচিন্বতে ॥ ১॥
শরদুদাশযে সাধুজাতস-
ত্সরসিজোদরশ্রীমুষা দৃশা ।
সুরতনাথ তেঽশুল্কদাসিকা
বরদ নিঘ্নতো নেহ কিং বধঃ ॥ ২॥
বিষজলাপ্যযাদ্ব্যালরাক্ষসা-
দ্বর্ষমারুতাদ্বৈদ্যুতানলাত্ ।
বৃষমযাত্মজাদ্বিশ্বতোভযা-
দৃষভ তে বযং রক্ষিতা মুহুঃ ॥ ৩॥
ন খলু গোপিকানন্দনো ভবা-
নখিলদেহিনামন্তরাত্মদৃক্ ।
বিখনসার্থিতো বিশ্বগুপ্তযে
সখ উদেযিবান্সাত্বতাং কুলে ॥ ৪॥
বিরচিতাভয়ং বৃষ্ণিধুর্য তে
চরণমীযুষাং সংসৃতের্ভযাত্ ।
করসরোরুহং কান্ত কামদং
শিরসি ধেহি নঃ শ্রীকরগ্রহম্ ॥ ৫॥
ব্রজজনার্তিহন্বীর যোষিতাং
নিজজনস্মযধ্বংসনস্মিত ।
ভজ সখে ভবত্কিংকরীঃ স্ম নো
জলরুহাননং চারু দর্শয ॥ ৬॥
প্রণতদেহিনাং পাপকর্শনং
তৃণচরানুগং শ্রীনিকেতনম্ ।
ফণিফণার্পিতং তে পদাংবুজং
কৃণু কুচেষু নঃ কৃন্ধি হৃচ্ছযম্ ॥ ৭॥
মধুরয়া গিরা বল্গুবাক্যয়া
বুধমনোজ্ঞযা পুষ্করেক্ষণ ।
বিধিকরীরিমা বীর মুহ্যতী-
রধরসীধুনাঽঽপ্যায়য়স্ব নঃ ॥ ৮॥
তব কথামৃতং তপ্তজীবনং
কবিভিরীডিতং কল্মষাপহম্ ।
শ্রবণমঙ্গলং শ্রীমদাততং
ভুবি গৃণন্তি তে ভূরিদা জনাঃ ॥ ৯॥
প্রহসিতং প্রিয় প্রেমবীক্ষণং
বিহরণং চ তে ধ্যানমঙ্গলম্ ।
রহসি সংবিদো য়া হৃদিস্পৃশঃ
কুহক নো মনঃ ক্ষোভয়ন্তি হি ॥ ১০॥
চলসি যদ্ব্রজাচ্চারযন্পশূন্
নলিনসুন্দরং নাথ তে পদম্ ।
শিলতৃণাঙ্কুরৈঃ সীদতীতি নঃ
কলিলতাং মনঃ কান্ত গচ্ছতি ॥ ১১॥
দিনপরিক্ষযে নীলকুন্তলৈ-
র্বনরুহাননং বিভ্রদাবৃতম্ ।
ঘনরজস্বলং দর্শযন্মুহু-
র্মনসি নঃ স্মরং বীর যচ্ছসি ॥ ১২॥
প্রণতকামদং পদ্মজার্চিতং
ধরণিমণ্ডনং ধ্যেয়মাপদি ।
চরণপঙ্কজং শংতমং চ তে
রমণ নঃ স্তনেষ্বর্পযাধিহন্ ॥ ১৩॥
সুরতবর্ধনং শোকনাশনং
স্বরিতবেণুনা সুষ্ঠু চুম্বিতম্ ।
ইতররাগবিস্মারণং নৃণাং
বিতর বীর নস্তেঽধরামৃতম্ ॥ ১৪॥
অটতি য়দ্ভবানহ্নি কাননং
ত্রুটির্যুগাযতে ত্বামপশ্যতাম্ ।
কুটিলকুন্তলং শ্রীমুখং চ তে
জড উদীক্ষতাং পক্ষ্মকৃদ্দৃশাম্ ॥ ১৫॥
পতিসুতান্বয়ভ্রাতৃবান্ধবা-
নতিবিলঙ্ঘ্য তেঽন্ত্যচ্যুতাগতাঃ ।
গতিবিদস্তবোদ্গীতমোহিতাঃ
কিতব যোষিতঃ কস্ত্যজেন্নিশি ॥ ১৬॥
রহসি সংবিদং হৃচ্ছযোদয়ং
প্রহসিতাননং প্রেমবীক্ষণম্ ।
বৃহদুরঃ শ্রিয়ো বীক্ষ্য ধাম তে
মুহুরতিস্পৃহা মুহ্যতে মনঃ ॥ ১৭॥
ব্রজবনৌকসাং ব্যক্তিরঙ্গ তে
বৃজিনহন্ত্র্যলং বিশ্বমঙ্গলম্ ।
ত্যজ মনাক্ চ নস্ত্বত্স্পৃহাত্মনাং
স্বজনহৃদ্রুজাং য়ন্নিষূদনম্ ॥ ১৮॥
যত্তে সুজাতচরণাম্বুরুহং স্তনেষু
ভীতাঃ শনৈঃ প্রিয় দধীমহি কর্কশেষু ।
তেনাটবীমটসি তদ্ব্যথতে ন কিংস্বিত্
কূর্পাদিভির্ভ্রমতি ধীর্ভবদায়ুষাং নঃ ॥ ১৯॥
ইতি শ্রীমদ্ভাগবত মহাপুরাণে পারমহংস্যাং সংহিতাযাং
দশমস্কন্ধে পূর্বার্ধে রাসক্রীডাযাং গোপীগীতং নামৈকত্রিংশোঽধ্যাযঃ ॥
গোপ্য ঊচুঃ ।
জয়তি তেঽধিকং জন্মনা ব্রজঃ
শ্রয়ত ইন্দিরা শশ্বদত্র হি ।
দয়িত দৃশ্যতাং দিক্ষু তাবকা-
স্ত্বয়ি ধৃতাসবস্ত্বাং বিচিন্বতে ॥ ১॥
শরদুদাশযে সাধুজাতস-
ত্সরসিজোদরশ্রীমুষা দৃশা ।
সুরতনাথ তেঽশুল্কদাসিকা
বরদ নিঘ্নতো নেহ কিং বধঃ ॥ ২॥
বিষজলাপ্যযাদ্ব্যালরাক্ষসা-
দ্বর্ষমারুতাদ্বৈদ্যুতানলাত্ ।
বৃষমযাত্মজাদ্বিশ্বতোভযা-
দৃষভ তে বযং রক্ষিতা মুহুঃ ॥ ৩॥
ন খলু গোপিকানন্দনো ভবা-
নখিলদেহিনামন্তরাত্মদৃক্ ।
বিখনসার্থিতো বিশ্বগুপ্তযে
সখ উদেযিবান্সাত্বতাং কুলে ॥ ৪॥
বিরচিতাভয়ং বৃষ্ণিধুর্য তে
চরণমীযুষাং সংসৃতের্ভযাত্ ।
করসরোরুহং কান্ত কামদং
শিরসি ধেহি নঃ শ্রীকরগ্রহম্ ॥ ৫॥
ব্রজজনার্তিহন্বীর যোষিতাং
নিজজনস্মযধ্বংসনস্মিত ।
ভজ সখে ভবত্কিংকরীঃ স্ম নো
জলরুহাননং চারু দর্শয ॥ ৬॥
প্রণতদেহিনাং পাপকর্শনং
তৃণচরানুগং শ্রীনিকেতনম্ ।
ফণিফণার্পিতং তে পদাংবুজং
কৃণু কুচেষু নঃ কৃন্ধি হৃচ্ছযম্ ॥ ৭॥
মধুরয়া গিরা বল্গুবাক্যয়া
বুধমনোজ্ঞযা পুষ্করেক্ষণ ।
বিধিকরীরিমা বীর মুহ্যতী-
রধরসীধুনাঽঽপ্যায়য়স্ব নঃ ॥ ৮॥
তব কথামৃতং তপ্তজীবনং
কবিভিরীডিতং কল্মষাপহম্ ।
শ্রবণমঙ্গলং শ্রীমদাততং
ভুবি গৃণন্তি তে ভূরিদা জনাঃ ॥ ৯॥
প্রহসিতং প্রিয় প্রেমবীক্ষণং
বিহরণং চ তে ধ্যানমঙ্গলম্ ।
রহসি সংবিদো য়া হৃদিস্পৃশঃ
কুহক নো মনঃ ক্ষোভয়ন্তি হি ॥ ১০॥
চলসি যদ্ব্রজাচ্চারযন্পশূন্
নলিনসুন্দরং নাথ তে পদম্ ।
শিলতৃণাঙ্কুরৈঃ সীদতীতি নঃ
কলিলতাং মনঃ কান্ত গচ্ছতি ॥ ১১॥
দিনপরিক্ষযে নীলকুন্তলৈ-
র্বনরুহাননং বিভ্রদাবৃতম্ ।
ঘনরজস্বলং দর্শযন্মুহু-
র্মনসি নঃ স্মরং বীর যচ্ছসি ॥ ১২॥
প্রণতকামদং পদ্মজার্চিতং
ধরণিমণ্ডনং ধ্যেয়মাপদি ।
চরণপঙ্কজং শংতমং চ তে
রমণ নঃ স্তনেষ্বর্পযাধিহন্ ॥ ১৩॥
সুরতবর্ধনং শোকনাশনং
স্বরিতবেণুনা সুষ্ঠু চুম্বিতম্ ।
ইতররাগবিস্মারণং নৃণাং
বিতর বীর নস্তেঽধরামৃতম্ ॥ ১৪॥
অটতি য়দ্ভবানহ্নি কাননং
ত্রুটির্যুগাযতে ত্বামপশ্যতাম্ ।
কুটিলকুন্তলং শ্রীমুখং চ তে
জড উদীক্ষতাং পক্ষ্মকৃদ্দৃশাম্ ॥ ১৫॥
পতিসুতান্বয়ভ্রাতৃবান্ধবা-
নতিবিলঙ্ঘ্য তেঽন্ত্যচ্যুতাগতাঃ ।
গতিবিদস্তবোদ্গীতমোহিতাঃ
কিতব যোষিতঃ কস্ত্যজেন্নিশি ॥ ১৬॥
রহসি সংবিদং হৃচ্ছযোদয়ং
প্রহসিতাননং প্রেমবীক্ষণম্ ।
বৃহদুরঃ শ্রিয়ো বীক্ষ্য ধাম তে
মুহুরতিস্পৃহা মুহ্যতে মনঃ ॥ ১৭॥
ব্রজবনৌকসাং ব্যক্তিরঙ্গ তে
বৃজিনহন্ত্র্যলং বিশ্বমঙ্গলম্ ।
ত্যজ মনাক্ চ নস্ত্বত্স্পৃহাত্মনাং
স্বজনহৃদ্রুজাং য়ন্নিষূদনম্ ॥ ১৮॥
যত্তে সুজাতচরণাম্বুরুহং স্তনেষু
ভীতাঃ শনৈঃ প্রিয় দধীমহি কর্কশেষু ।
তেনাটবীমটসি তদ্ব্যথতে ন কিংস্বিত্
কূর্পাদিভির্ভ্রমতি ধীর্ভবদায়ুষাং নঃ ॥ ১৯॥
ইতি শ্রীমদ্ভাগবত মহাপুরাণে পারমহংস্যাং সংহিতাযাং
দশমস্কন্ধে পূর্বার্ধে রাসক্রীডাযাং গোপীগীতং নামৈকত্রিংশোঽধ্যাযঃ ॥
কোন মন্তব্য নেই:
একটি মন্তব্য পোস্ট করুন