জগদ্ধাত্রী স্তোত্রম্
৷৷ শ্রীশিবোবাচ।।
আধারভুতে চাধেয়ে ধৃতিরূপে ধুরন্ধারে।
ধ্রুবে ধ্রুবপদে ধীরে জগদ্ধাত্ৰি, নমোহস্তুতে॥১
শবাকারে শক্তিরূপে শক্তিস্থে শক্তিবিগ্ৰহে।
শাক্তাচার-প্ৰিয়ে দেবি জগদ্ধাত্ৰি নমোহস্তুতে॥২
জয়দে জগদানন্দে জগদেক প্ৰপূজিতে।
জয় সৰ্ব্বগতে দুর্গে জগদ্ধাত্রি নমোহস্তুতে॥৩
পরমাণু স্বরূপে চ দ্ব্যণুকাদি স্বরূপিণি।
স্থলাদিসূক্ষ্মরূপে চ জগদ্ধাত্রি নমোহস্তুতে॥৪
সূক্ষ্মাতিসূক্ষ্মরূপে চ প্ৰাণাপানাদিরূপিণ।
ভাবাভাবস্বরূপে চ জগদ্ধাত্ৰি নমোহস্তুতে॥৫
কালাদিরূপে কালেশে কালাকাল বিভেদিনি।
সর্ব্বস্বরূপে সর্ব্বজ্ঞে জগদ্ধাত্রি নমোহস্তুতে॥৬
মহাবিঘ্নে মহোৎসাহে মহামায়ে বরপ্রদে।
প্ৰপঞ্চ-সারে সাধ্বীশে জগদ্ধাত্রি নমোহস্তুতে॥৭
অগম্যে জগতামাদ্যে মাহেশ্বরি বরাঙ্গনে।
অশেষরূপে রূপস্থে জগদ্ধাত্রি নমোহস্তুতে॥৮
দ্বিসপ্তকোটিমন্ত্রাণাং শক্তিরূপে সনাতনি।
সৰ্ব্বশক্তিস্বরূপে চ জগদ্ধাত্রি নমোহস্তুতে॥৯
তীর্থ-যজ্ঞতপোদানযোগসারে জগন্ময়ি।
ত্বমেব সৰ্ব্বং সর্ব্বন্থে জগদ্ধাত্রি নমোহস্তুতে॥১০
দয়ারূপে দয়াদৃষ্টে দয়াদ্রে দুঃখ-মোচিনি।
সর্ব্বাপত্তারিকে দুৰ্গে জগন্ধাত্রি নমোহস্তুতে॥১১
অগম্যধামধামস্থে মহাযোগীশ-হৃৎপুরে।
অমেয়ভাবকূটস্থে জগদ্ধাত্রি নমোহস্তুতে॥১২
ইতি শ্ৰীজগদ্ধাত্রীকল্পে জগদ্ধাত্রীস্তবঃ॥
