শ্রীঅর্জুন উবাচ -
নমস্তে সিদ্ধসেনানি আর্যে মন্দরবাসিনী।
কুমারি কালি কাপালি কপিলে কৃষ্ণপিঙ্গলে।। ১
ভদ্রকালি নমস্তুভ্যম্ মহাকালি নমোহস্তুতে।
চণ্ডি চণ্ডে নমস্তুভ্যম্ তারিণি বরবর্ণিনি।। ২
কাত্যায়নি মহাভাগে করালি বিজয়ে জয়ে।
শিখিপিচ্ছধ্বজধরে নানাভরণভূষিতে।। ৩
অটুটশূলপ্রহরণে খড়্গখেটকধারিণে।
গোপেন্দ্রস্যানুজে জ্যেষ্ঠে নন্দগোপকুলোদ্ভবে।। ৪
মহিষাসৃকপ্রিয়ে নিত্যে কৌশিকী পীতবাসিনী।
অট্টহাসে কোকমুখে নমোহস্তেহস্তু রণপ্রিয়ে।। ৫
উমে শাকম্ভরি শ্বেতে কৃষ্ণে কৈটভনাশিনি।
হিরণ্যাক্ষি বিরুপাক্ষি সুধুম্রাক্ষি নমোহস্তুতে।। ৬
বেদশ্রুতিমহাপুণ্যে ব্রহ্মণ্যে জাতবেদসি।
জম্বুকটকচৈত্যেষু নিত্যম্ সন্নিহিতালয়ে।। ৭
ত্বং ব্রহ্ম বিদ্যানাং মহানিদ্রা চ দেহিনাম্।
স্কন্দমাতর্ভগবতি দুর্গে কান্তারবাসিনী।। ৮
স্বাহাকারঃ স্বধা চৈব কলাকাষ্ঠা সরস্বতী।
সাবিত্রী বেদমাতা চ তথা বেদান্ত উচ্যতে।। ৯
স্তুতাসি ত্বং মহাদেবী বিশুদ্ধেনান্তরাত্মা।
জয়ো ভবতু মে নিত্যম্ ত্বৎপ্রসাদাৎ রণাজিরে।। ১০
কান্তারভয়দুর্গেষু ভক্তানাং চালকেষু চ।
নিত্যম্ বসসি পাতালে যুদ্ধে জয়সি দানবান্।। ১১
ত্বং জম্ভিনী মোহিনী চ মায়া হ্রীঃ শ্রীস্তথৈব চ।
সন্ধ্যা প্রভাবতী চৈব সাবিত্রী জননী তথা।। ১২
তুষ্টিঃ পুষ্টির্ধৃতিদীপ্তিশ্চন্দ্রাদিত্যবিবর্ধনী।
ভুতির্ভুতিমনাং সঙ্খ্যে বীক্ষসে সিদ্ধচারণৈঃ।।১৩