নমস্তে শারদে দেবি কাশ্মীরপুরবাসিনি |
ত্বামহং প্রার্থয়ে নিত্যং বিদ্যাদানং চ দেহি মে || ১||
যা শ্রদ্ধা ধারণা মেধা বগ্দেবী বিধিবল্লভা |
ভক্তজিহ্বাগ্রসদনা শমাদিগুণদায়িনী || ২||
নমামি যামিনীং নাথলেখালঙ্কৃতকুন্তলাম |
ভবানীং ভবসন্তাপনির্বাপণসুধানদীম || ৩||
ভদ্রকাল্যৈ নমো নিত্যং সরস্বত্যৈ নমো নমঃ |
বেদবেদাঙ্গবেদান্তবিদ্যাস্থানেভ্য এব চ || ৪||
ব্রহ্মস্বরূপা পরমা জ্যোতিরূপা সনাতনী |
সর্ববিদ্যাধিদেবী যা তস্যৈ বাণ্যৈ নমো নমঃ || ৫||
যয়া বিনা জগত্সর্বং শশ্বজ্জীবন্মৃতং ভবেত |
জ্ঞানাধিদেবী যা তস্যৈ সরস্বত্যৈ নমো নমঃ || ৬||
যয়া বিনা জগত্সর্বং মূকমুন্মত্তবত্সদা |
যা দেবী বাগধিষ্ঠাত্রী তস্যৈ বাণ্যৈ নমো নমঃ || ৭||
|| ইতি শ্রীশারদাস্তোত্রম্ শ্রীশঙ্করাচার্য্য বিরচিত ||