নর্মদাষ্টকম
শ্রীমদ ভগবদ্পাদ শঙ্করাচার্য্য রচিতম
(দেখুন - সূচিপত্র )
সবিন্দু- সিন্ধুসুস্থলত্তরঙ্গভঙ্গ রঞ্জিতম্ ,
দ্বিষৎসু পাপজাতজাতকারিবারিসংযুতম্।
কৃতান্তদূতকালভূত-ভীতিহারি বর্মদে,
ত্বদীয় পাদ পঙ্কজং নমামি দেবী নর্মদে। ।
ত্বদম্বুলীন-দীনমীন-দিব্য-সম্প্রদায়কং ,
কলৌ মলৌঘভারহারি সর্ব্বতীর্থ নায়কম্।
সুমচ্ছ কচ্ছ-নক্র-চক্র চক্র বাক শর্মদে, তদ্বীয় পাদ পঙ্কজং নমামি দেবি নর্মদে। ।
মহাগভীর-নীরপুর পাপধূত ভূতলং,
ধনৎসমস্ত -পাতকারি -দারিতাপদাচলম্।
জগল্লয়ে মহাভয়ে মৃকণ্ডুসূনু হর্মদে,
ত্বদীয় পাদ পঙ্কজং নমামি দেবী নর্মদে। ।
গতং তদৈব মে ভয়ং তদম্বু বীক্ষিতং যদা
মৃকণ্ডুসূনুশৌনকাসুরারি সেবি সর্বদা।
পুনর্ভবাদ্ধিজন্মজং ভবাদ্ধি দুঃখ বর্মদে
ত্বদীয় পাদ পঙ্কজং নমামি দেবী নর্মদে। ।
অলক্ষ লক্ষকিন্নরামরাসুরাদি পূজিতং
সুলক্ষ-নীর-তীর-ধীরপক্ষি লক্ষ কূজিতম্। বশিষ্ঠ-শিষ্ঠ পিপ্পলাদ -কর্দমাদি শর্মদে,
ত্বদীয় পাদ পঙ্কজং নমামি দেবী নর্মদে। ।
সনৎকুমার-নাচিকেত -কশ্যপাত্রিষটপদৈ
ধৃতং স্বকীয় মানসেষু নারদাদিষটপদৈঃ,
রবিন্দুরণন্তিদেব-দেবরাজ কর্মশর্মদে
ত্বদীয় পাদ পঙ্কজং নমামি দেবী নর্মদে। ।
অলক্ষ-লক্ষ -লক্ষপাপ-লক্ষসারসায়ুধং
ততস্তু জীবজন্ত্ততন্ত্ত-ভুক্তি-মুক্তিদায়কম্।
বিরণ্চি-বিষ্ণু-শঙ্কর স্বকীয় ধাম শর্মদে
ত্বদীয় পাদ পঙ্কজং নমামি দেবী নর্মদে। ।
অহোঅমৃতং স্বনং শ্রূতং মহেশকেশজাতটে
কিরাতসূতবাড়বেষু পন্ডিতে শঠে নঠে।
দুরন্তপাপতাপহারি সর্বজন্তু শর্মদে,
ত্বদীয় পাদ পঙ্কজং নমামি দেবী নর্মদে। ।
ইদং তু নর্মদাষ্টকং ত্রিকালমেব য়ে সদা
পঠন্তি তে নিরন্তরং ন যান্তি দুর্গতিং কদা।
সুলভ্য দেহদুর্লভং মহেশ ধাম গৌরবং
পুনর্ভবা নরা ন বৈ বিলোকয়ন্তি রৌরবং।।
হর হর নর্মদে। হর হর নর্মদে। হর হর নর্মদে।
ঔঁ জয় জয় শ্রীমৎ শঙ্করাচার্য্য বিরচিতং নর্মদাষ্টক স্তোত্রং সম্পূর্ণম্।।