মেঘদূতম্ / উত্তরমেঘ

বিদ্যুত্বন্তং ললিতবনিতাঃ সেন্দ্রচাপং সচিত্রাঃ
সঙ্গীতায প্রহতমুরজাঃ স্নিগ্ধগম্ভীরঘোষম্ .
অন্তস্তোযং মণিমযভুবস্তুঙ্গমভ্রংলিহাগ্রাঃ
প্রাসাদাস্ত্বাং তুলযিতুমলং যত্র তৈস্তৈর্বিশেষৈঃ .. ৬৪..

হস্তে লীলাকমলমলকে বালকুন্দানুবিদ্ধং
নীতা লোধ্রপ্রসবরজসা পাণ্ডুতামাননে শ্রীঃ .
চূডাপাশে নবকুরবকং চারু কর্ণে শিরীষং
সীমন্তে চ ত্বদুপগমজং যত্র নীপং বধূনাম্ .. ৬৫..

আনন্দোত্থং নযনসলিলং যত্র নান্যৈর্নিমিত্তৈঃ
নান্যস্তাপঃ কুসুমশরজাদিষ্টসংযোগসাধ্যাত্ .
নাপ্যন্যস্মাত্প্রণযকলহাদ্বিপ্রযোগপপত্তিঃ
বিত্তেশানাং ন চ খলু বযো যৌবনাদন্যদস্তি .. ৬৬..

যস্যাং যক্ষাঃ সিতমণিমযান্যেত্য হর্ম্যস্থলানি
জ্যোতিশ্ছাযাকুসুমরচিতান্যুত্তমস্ত্রীসহাযাঃ .
আসেবন্তে মধু রতিফলং কল্পবৃক্ষপ্রসূতং
ত্বদ্গম্ভীরধ্বনিষু শনকৈঃ পুষ্করেষ্বাহতেষু .. ৬৭..

মন্দাকিন্যাঃ সলিলশিশিরৈঃ সেব্যমানা মরুদ্ভিঃ
মন্দারাণামনুতটরুহাং ছাযযা বারিতোষ্ণাঃ .
অন্বেষ্টব্যৈঃ কনকসিকতমুষ্টিনিক্ষেপগূঢৈঃ
সংক্রীডন্তে মণিভিরমরপ্রার্থিতা যত্র কন্যাঃ .. ৬৮..

নীবীবন্ধোচ্ছ্বসিতশিথিলং যত্র বিম্বাধরাণাং
ক্ষৌমং রাগাদনিভৃতকরেষ্বাক্ষিপত্সু প্রিযেষু .
অর্চিষ্টুঙ্গানভিমুখমপি প্রাপ্য রত্নপ্রদীপান্
হ্রীমূঢানাং ভবতি বিফলপ্রেরণচ্চূর্ণমুষ্টিঃ .. ৬৯..

নেত্রা নীতাঃ সততগতিনা যদ্বিমানাগ্রভূমীঃ
আলেখ্যানাং নবজলকণৈর্দোষমুত্পাদ্য সদ্যঃ .
শঙ্কাস্পৃষ্টা ইব জলমুচস্ত্বাদৃশা জালমার্গৈঃ
ধূমোদ্গারানুকৃতিনিপুণা জর্জরা নিষ্পতন্তি .. ৭০..

যত্র স্ত্রীণাং প্রিযতমভুজালিঙ্গনোচ্ছ্বাসিতানাং
অঙ্গগ্লানিং সুরতজনিতাং তন্তুজালাবলম্বাঃ .
ত্বত্সংরোধাপগমবিশদৈশ্চন্দ্রপাদৈর্নিশীথে
ব্যালুম্পন্তি স্ফুটজললবস্যন্দিনশ্চন্দ্রকান্তাঃ .. ৭১..

অক্ষয্যান্তর্ভবননিধযঃ প্রত্যহং রক্তকণ্ঠৈঃ
উদ্গাযদ্ভির্ধনপতিযশঃ কিংনরৈর্যত্র সার্ধম্ .
বৈভ্রাজাখ্যং বিবুধবনিতাবারমুখ্যাসহাযা
বদ্ধালাপা বহিরুপবনং কামিনো নির্বিশন্তি .. ৭২..

গত্যুত্কম্পাদলকপতিতৈর্যত্র মন্দারপুষ্পৈঃ
পত্রচ্ছেদৈঃ কনককমলৈঃ কর্ণবিভ্রংশিভিশ্চ .
মুক্তাজালৈঃ স্তনপরিসরশ্ছিন্নসূত্রৈশ্চ হারৈঃ
নৈশো মার্গঃ সবিতুরুদযে সূচ্যতে কামিনীনাম্ .. ৭৩..

মত্বা দেবং ধনপতিসখং যত্র সাক্ষাদ্ বসন্তং
প্রাযশ্চাপং ন বহতি ভযান্ মন্মথঃ ষট্পদজ্যম্ .
সভ্রূভঙ্গপ্রহিতনযনৈঃ কামিলক্ষ্যেষ্বমোঘৈঃ
তস্যারম্ভশ্চতুরবনিতাবিভ্রমৈরেব সিদ্ধঃ .. ৭৪..

বাসশ্চিত্রং মধু নযনযোর্বিভ্রমাদেশদক্ষং
পুষ্পোভ্দেদং সহ কিসলযৈর্ভূষণানাং বিকল্পান্ .
লাক্ষারাগং চরণকমলন্যাসযোগ্যং চ যস্যাম্
একঃ সূতে সকলমবলামণ্ডনং কল্পবৃক্ষঃ .. ৭৫..

তত্রাগারং ধনপতিগৃহানুত্তরেণাস্মদীযং
দূরাল্লক্ষ্যং সুরপতিধনুশ্চারুণা তোরণেন .
যস্যোপান্তে কৃতকতনযঃ কান্তয বর্ধিতো মে
হস্তপ্রাপ্যস্তবকনমিতো বালমন্দারবৃক্ষঃ .. ৭৬..

বাপী চাস্মিন্ মরকতশিলাবদ্ধসোপানমার্গা
হৈমৈশ্ছন্না বিকচকমলৈঃ স্নিগ্ধবৈদূর্যনালৈঃ .
যস্যাস্তোযে কৃতবসতযো মানসং সংনিকৃষ্টং
ন ধ্যাস্যন্তি ব্যপগতশুচস্ত্বামপি প্রেক্ষ্য হংসাঃ .. ৭৭..

তস্যাস্তীরে রচিতশিখরঃ পেশলৈরিন্দ্রনীলৈঃ
ক্রীডাশৈলঃ কনককদলীবেষ্টনপ্রেক্ষণীযঃ .
মদ্গেহিন্যাঃ প্রিয ইতি সখে চেতসা কাতরেণ
প্রেক্ষ্যোপান্তস্ফুরিততডিতং ত্বাং তমেব স্মরামি .. ৭৮..

রক্তাশোকশঃ চলকিসলযঃ কেসরশ্চাত্র কান্তঃ
প্রত্যাসন্নৌ কুরবকবৃতের্মাধবীমণ্ডপস্য .
একঃ সখ্যাস্তব সহ মযা বামপাদাভিলাষী
কাঙ্ক্ষত্যন্যো বদনমদিরাং দোহদচ্ছদ্মনাস্যাঃ .. ৭৯..

তন্মধ্যে চ স্ফটিকফলকা কাঞ্চনী বাসযষ্টিঃ
মূলে বদ্ধা মণিভিরনতিপ্রৌঢবংশপ্রকাশৈঃ .
তালৈঃ শিঞ্জাবলযসুভগৈর্নর্তিতঃ কান্তযা মে
যামধ্যাস্তে দিবসবিগমে নীলকণ্ঠঃ সুহৃদ্ বঃ .. ৮০..

এভিঃ সাধো হৃদযনিহিতৈর্লক্ষণৈর্লক্ষযেথা
দ্বারোপান্তে লিখিতবপুষৌ শঙ্খপদ্মৌ চ দৃষ্ট্বা .
ক্ষামচ্ছাযং ভবনমধুনা মদ্বিযোগেন নূনং
সূর্যাপাযে ন খলু কমলং পুষ্যতি স্বামভিখ্যাম্ .. ৮১..

গত্বা সদ্যঃ কলভতনুতাং শীঘ্রসংপাতহেতোঃ
ক্রীডাশৈলে প্রথমকথিতে রম্যসাণৌ নিষণ্ণঃ .
অর্হস্যন্তর্ভবনপতিতাং কর্তুমল্পাল্পভাসং
খদ্যোতালীবিলসিতনিভাং বিদ্যুদুন্মেষদৃষ্টিম্ .. ৮২..

তন্বী শ্যামা শিখরদশনা পক্ববিম্বাধরোষ্ঠী
মধ্যে ক্ষামা চকিতহরিণীপ্রেক্ষণা নিম্ননাভিঃ .
শ্রোণীভারাদলসগমনা স্তোকনম্রা স্তনাভ্যাং
যা তত্র স্যাদ্ যুবতিবিষযে সৃষ্টিরাদ্যেব ধাতুঃ .. ৮৩..

তাং জানীথাঃ পরিমিতকথাং জীবিতং মে দ্বিতীযং
দূরীভূতে মযি সহচরে চক্রবাকীমিবৈকাম্ .
গাঢোত্কণ্ঠা গুরুষু দিবসেষ্বেষু গচ্ছত্সু বালাং
জাতাং মন্যে শিশিরমথিতাং পদ্মিনীং বান্যরূপাম্ .. ৮৪..

নূনং তস্যাঃ প্রবলরুদিতোচ্ছূননেত্রং প্রিযাযা
নিঃষ্বাসানামশিশিরতযা ভিন্নবর্ণাধরোষ্ঠম্ .
হস্তন্যস্তং মুখমসকলব্যক্তি লম্বালকত্বাদ্
ইন্দোর্দৈন্যং ত্বদনুসরণক্লিষ্টকান্তের্বিভর্তি .. ৮৫..

আলোকে তে নিপততি পুরা সা বলিব্যাকুলা বা
মত্সাদৃশ্যং বিরহতনু বা ভাবগম্যং লিখন্তী .
পৃচ্ছন্তী বা মধুরবচনাং শারিকাং পঞ্জরস্থাং
কচ্চিত্ ভর্তুঃ স্মরসি রসিকে ত্বং হি তস্য প্রিযেতি .. ৮৬..

উত্সঙ্গে বা মলিনবসনে সোম্য নিক্ষিপ্য বীণাং
মদ্গোত্রাঙ্কং বিরচিতপদং গেযমুদ্গাতুকামা .
তন্ত্রীমার্দ্রাং নযনসলিলৈঃ সারযিত্বা কথং চিদ্
ভূযো ভূযঃ স্বযমপি কৃতাং মূর্ছনাং বিস্মরন্তী .. ৮৭..

শেষান্ মাসান্ বিরহদিবসপ্রস্থাপিতস্যাবধের্বা
বিন্যস্যন্তী ভুবি গণনযা দেহলীদত্তপুষ্পৈঃ .
(সংযোগং)মত্সঙ্গং বা হৃদযনিহিতারম্ভমাস্বাদযন্তী
প্রাযেণৈতে রমণবিরহেষ্বঙ্গনানাং বিনোদাঃ .. ৮৮..

সব্যাপারামহনি ন তথা পীডযেন্মদ্বিযোগঃ
শঙ্কে রাত্রৌ গুরুতরশুচং নির্বিনোদাং সখীং তে .
মত্সংদেশৈঃ সুখযিতুমলং পশ্য সাধ্বীং নিশীথে
তামুন্নিদ্রামবনিশযনাং সৌধবাতাযনস্থঃ .. ৮৯..

আধিক্ষামাং বিরহশযনে সংনিষণ্ণৈকপার্শ্বাং
প্রাচীমূলে তনুমিব কলামাত্রশেষাং হিমাংশোঃ .
নীতা রাত্রিঃ ক্ষণ ইব মযা সার্ধমিচ্ছারতৈর্যা
তামেবোষ্ণৈর্বিরহমহতীমশ্রুভির্যাপযন্তীম্ .. ৯০..

পাদানিন্দোরমৃতশিশিরান্ জালমার্গপ্রবিষ্টান্
পূর্বপ্রীত্যা গতমভিমুখং সংনিবৃত্তং তথৈব .
চক্ষুঃ খেদাত্ সলিলগুরুভিঃ পক্ষ্মভিশ্ছাদযন্তীং
সাভ্রেঽহ্নীব স্থলকমলিনীং ন প্রবুদ্ধাং ন সুপ্তাম্ .. ৯১..

নিঃশ্বাসেনাধরকিসলযক্লেশিনা বিক্ষিপন্তীং
শুদ্ধস্নানাত্ পরুষমলকং নূনমাগণ্ডলম্বম্ .
মত্সংভোগঃ কথমুপনযেত্ স্বপ্নজোঽপীতি নিদ্রাম্
আকাঙ্ক্ষন্তীং নযনসলিলোত্পীডরুদ্ধাবকাশাম্ .. ৯২..

আদ্যে বদ্ধা বিরহদিবসে যা শিখা দাম হিত্বা
শাপস্যান্তে বিগলিতশুচা তাং মযোদ্বেষ্টনীযাম্ .
স্পর্শদ্বিষ্টামযমিতনখেনাসকৃত্ সারযন্তীং
গণ্ডাভোগাত্ কঠিনবিষমামেকবেণীং করেণ .. ৯৩..

সা সংন্যস্তাভরণমবলা পেশলং ধারযন্তী
শয্যোত্সঙ্গে নিহিতমসকৃদ্ দুঃখদুঃখেন গাত্রম্ .
ত্বামপ্যস্রং নবজলমযং মোচযিষ্যত্যবশ্যং
প্রাযঃ সর্বো ভবতি করুণাবৃত্তিরার্দ্রান্তরাত্মা .. ৯৪..

জানে সখ্যাস্তব মযি মনঃ সংভ্র্তস্নেহমস্মাদ্
ইত্থংভূতাং প্রথমবিরহে তামহং তর্কযামি .
বাচালং মাং ন খলু সুভগংমন্যভাবঃ করোতি
প্রত্যক্ষং তে নিখিলমচিরাদ্ ভ্রাতরুক্তং মযা যত্ .. ৯৫..

রুদ্ধাপাঙ্গপ্রসরমলকৈরঞ্জনস্নেহশূন্যং
প্রত্যাদেশাদপি চ মধুনো বিষ্মৃতভ্রূবিলাসম্ .
ত্বয্যাসন্নে নযনমুপরিস্পন্দি শঙ্কে মৃগাক্ষ্যা
মীনক্ষোভাচ্চলকুবলযশ্রীতুলামেষ্যতীতি .. ৯৬..

বামশ্চাস্যাঃ কররুহপদৈর্মুচ্যমানো মদীযৈঃ
মুক্তাজালং চিরপরিচিতং ত্যাজিতো দৈবগত্যা .
সংভোগান্তে মম সমুচিতো হস্তসংবাহনানাং
যাস্যত্যূরুঃ সরসকদলীস্তম্ভগৌরশ্চলত্বম্ .. ৯৭..

তস্মিন্ কালে জলদ যদি সা লব্ধনিদ্রাসুখা স্যাদ্
অন্বাস্যৈনাং স্তনিতবিমুখো যামমাত্রং সহস্ব .
মা ভূদস্যাঃ প্রণযিনি মযি স্বপ্নলব্ধে কথং চিত্
সদ্যঃ কণ্ঠচ্যুতভুজলতাগ্রন্থি গাঢোপগূঢম্ .. ৯৮..

তামুত্থাপ্য স্বজলকণিকাশীতলেনানিলেন
প্রত্যাশ্বস্তাং সমমভিনবৈর্জালকৈর্মালতীনাম্ .
বিদ্যুদ্গর্ভঃ স্তিমিতনযনাং ত্বত্সনাথে গবাক্ষে
বক্তুং ধীরস্তনিতবচনৈর্মানিনীং প্রক্রমেথাঃ .. ৯৯..

ভর্তুর্মিত্রং প্রিযমবিধবে বিদ্ধি মামম্বুবাহং
তত্সংদেশৈহৃদযনিহিতৈরাগতং ত্বত্সমীপম্ .
যো বৃন্দানি ত্বরযতি পথি শ্রাম্যতাং প্রোষিতানাং
মন্দ্রস্নিগ্ধৈর্ধ্বনিভিরবলাবেণিমোক্ষোত্সুকানি .. ১০০..

ইত্যাখ্যাতে পবনতনযং মৈথিলীবোন্মুখী সা
ত্বামুত্কণ্ঠোচ্ছ্বসিতহৃদযা বীক্ষ্য সংভব্য চৈব .
শ্রোষ্যত্যস্মাত্ পরমবহিতা সৌম্য সীমন্তিনীনাং
কান্তোদন্তঃ সুহৃদুপনতঃ সঙ্গমাত্কিংচিদূনঃ .. ১০১..

তামাযুষ্মন্ মম চ বচনাদাত্মনঃ চোপকর্তুং
ব্রূযাদেবং তব সহচরো রামগির্যাশ্রমস্থঃ .
অব্যাপন্নঃ কুশলমবলে পৃচ্ছতি ত্বাং বিযুক্তঃ
পূর্বাভাষ্যং সুলভবিপদাং প্রাণিনামেতদেব .. ১০২..

অঙ্গেনাঙ্গং প্রতনু তনুনা গাঢতপ্তেন তপ্তং
সাস্রেণাশ্রুদ্রুতমবিরতোত্কণ্ঠমুত্কণ্ঠিতেন .
উষ্ণোচ্ছ্বাসং সমধিকতরোচ্ছ্বাসিনা দূরবর্তী
সঙ্কল্পৈস্তৈর্বিশতি বিধিনা বৈরিণা রুদ্ধমার্গঃ .. ১০৩..

শব্দাখ্যেযং যদপি কিল তে যঃ সখীনাং পুরস্তাত্
কর্ণে লোলঃ কথযিতুমভূদাননস্পর্শলোভাত্ .
সোঽতিক্রান্তঃ শ্রবণবিষযং লোচনাভ্যামদৃষ্টঃ
ত্বামুত্কণ্ঠাবিরচিতপদং মন্মুখেনেদমাহ .. ১০৪..

শ্যামাস্বঙ্গং চকিতহরিণীপ্রেক্ষণে দৃষ্টিপাতং
বক্ত্রচ্ছাযাং শশিনি শিখিনাং বর্হভারেষু কেশান্ .
উত্পশ্যামি প্রতনুষু নদীবীচিষু ভ্রূবিলাসান্
হন্তৈকস্মিন্ক্বচিদপি ন তে চণ্দি সাদ্র্শ্যমস্তি .. ১০৫..

ত্বামালিখ্য প্রণযকুপিতা ধাতুরাগৈঃ শিলাযাং
আত্মানং তে চরণপতিতং যাবদিচ্ছামি কর্তুম্ .
অস্রৈস্তাবন্ মুহুরুপচিতৈর্দৃষ্টিরালুপ্যতে মে
ক্রূরস্তস্মিন্নপি ন সহতে সঙ্গমং নৌ কৃতান্তঃ .. ১০৬..

মামাকাশপ্রণিহিতভুজং নির্দযাশ্লেষহেতোঃ
লব্ধাযাস্তে কথমপি মযা স্বপ্নসংদর্শনেষু .
পশ্যন্তীনাং ন খলু বহুশো ন স্থলীদেবতানাং
মুক্তাস্থূলাস্তরুকিসলযেষ্বশ্রুলেশাঃ পতন্তি .. ১০৭..

ধারাসিক্তস্থলসুরভিণস্ত্বন্মুখস্যাস্য বালে
দূরীভূতং প্রতনুমপি মাং পঞ্চবাণঃ ক্ষিণোতি .
ধর্মান্তেঽস্মিন্বিগণয কথং বাসরাণি ব্রজেযুঃ
দিক্সংসক্তপ্রবিততঘনব্যস্তসূর্যাতপানি .. ১০৮..

ভিত্ত্বা সদ্যঃ কিসলযপুটান্ দেবদারুদ্রুমাণাং
যে তত্ক্ষীরস্রুতিসুরভযো দক্ষিণেন প্রবৃত্তাঃ .
আলিঙ্গ্যন্তে গুণবতি মযা তে তুষারাদ্রিবাতাঃ
পূর্বস্পৃষ্টং যদি কিল ভবেদঙ্গমেভিস্তবেতি .. ১০৯..

সংক্ষিপ্যেত ক্ষণ ইব কথং দীর্ঘযামা ত্রিযামা
সর্বাবস্থাস্বহরপি কথং মন্দমন্দাতপং স্যাত্ .
ইত্থং চেতশ্চটুলনযনে দুর্লভপ্রার্থনং মে
গাঢোষ্মাভিঃ কৃতমশরণং ত্বদ্বিযোগব্যথাভিঃ .. ১১০..

নন্বাত্মানং বহু বিগণযন্নাত্মনৈবাবলম্বে
তত্ কল্যাণি ত্বমপি নিতরাং মা গমঃ কাতরত্বম্ .
কস্যাত্যন্তং সুখমুপনতং দুঃখমেকান্ততো বা
নীচৈর্গচ্ছত্যুপরি চ দশা চক্রনেমিক্রমেণ .. ১১১..

শাপান্তো মে ভুজগশযনাদুত্থিতে শার্ঙ্গপাণৌ
শেষান্মাসান্ গময চতুরো লোচনে মীলযিত্বা .
পশ্চাদাবাং বিরহগুণিতং তং তমাত্মাভিলাষং
নির্বেক্ষ্যাবঃ পরিণতশরচ্চন্দ্রিকাসু ক্ষপাসু .. ১১২..

ভূযশ্চাহ ত্বমপি শযনে কণ্ঠলগ্না পুরা মে
নিদ্রাং গত্বা কিমপি রুদতী সস্বনং বিপ্রবুদ্ধা .
সান্তর্হাসং কথিতমসকৃত্ পৃচ্ছতশ্চ ত্বযা মে
দ্র্ষ্টঃ স্বপ্নে কিতব রমযন্ কামপি ত্বং মযেতি .. ১১৩..

এতস্মান্ মাং কুশলিনমভিজ্ঞানদানাদ্ বিদিত্বা
মা কৌলীনাচ্চকিতনযনে ময্যবিশ্বাসিনী ভূঃ .
স্নেহানাহুঃ কিমপি বিরহে ধ্বংসিনস্তে ত্বভোগাদ্
ইষ্টে বস্তুন্যুপচিতরসাঃ প্রেমরাশীভবন্তি .. ১১৪..

আশ্বাস্যৈবং প্রথমবিরহোদগ্রশোকাং সখীং তে
শৈলাদাশু ত্রিনযন্বৃষোত্খাতকূটান্নিবৃত্তঃ .
সাভিজ্ঞানপ্রহিতকুশলৈস্তদ্বচোভির্মমাপি
প্রাতঃ কুন্দপ্রসবশিথিলং জীবিতং ধারযেথাঃ .. ১১৫..

কচ্চিত্ সোম্য ব্যবসিতমিদং বন্ধুকৃত্যং ত্বযা মে
প্রত্যাদেশান্ন খলু ভবতো ধীরতাং কল্পযামি .
নিঃশব্দোঽপি প্রদিশসি জলং যাচিতশ্চাতকেভ্যঃ
প্রত্যুক্তং হি প্রণযিষু সতামীপ্সিতার্থক্রিযৈব .. ১১৬..

এতত্ কৃত্বা প্রিযমনুচিতপ্রার্থনাবর্ত্মনো মে
সৌহর্দাদ্ বা বিধুর ইতি বা ময্যনুক্রোশবুদ্ধ্যা .
ইষ্টান্ দেশান্ বিচর প্রাবৃষা সংভৃতশ্রীঃ
মা ভূদেবং ক্ষণমপি চ তে বিদ্যুতা বিপ্রযোগঃ .. ১১৭..

অধ্বক্লান্তং প্রতিমুখগতং সানুমানাম্রকূটঃ
তুঙ্গেন ত্বাং জলদ শিরসা বক্ষ্যতি শ্লাঘমানঃ .
আসারেণ ত্বমপি শমযেস্তস্য নৈদাঘমগ্নিং
সদ্ভাবার্দ্রঃ ফলতি ন চিরেণোপকারো মহত্সু .. ?..

অম্ভোবিন্দুগ্রহণচতুরাংশ্চাতকান্ বীক্ষমাণাঃ
শ্রেণীভূতাঃ পরিগণনযা নির্দিশন্তো বলাকাঃ .
ত্বামাসাদ্য স্তনিতসমযে মানযিষ্যন্তি সিদ্ধাঃ
সোত্কম্পানি প্রিযসহচরীসংভ্রমালিঙ্গিতানি .. ?..

হারাংস্তারাংস্তরলগুটিকান্ কোটিশঃ শঙ্খশুক্তীঃ
শষ্পশ্যামান্ মরকতমণীনুন্মযূখপ্ররোহান্ .
দৃষ্ট্বা যস্যাং বিপণিরচিতান্ বিদ্রুমাণাং চ ভঙ্গান্
সংলক্ষ্যন্তে সলিলনিধযস্তোযমাত্রাবশেষাঃ .. ?..

প্রদ্যোতস্য প্রিযদুহিতরং বত্সরাজোঽত্র জহ্রে
হৈমং তালদ্রুমবনমভূদত্র তস্যৈব রাজ্ঞঃ .
অত্রোদ্ভ্রান্তঃ কিল নলগিরিঃ স্তম্ভমুত্পাট্য দর্পাদ্
ইত্যাগন্তূন্ রমযতি জনো যত্র বন্ধূনভিজ্ঞাঃ .. ?..

পত্ত্রশ্যামা দিনকরহযস্পর্ধিনো যত্র বাহাঃ
শৈলোদগ্রাস্ত্বমিব করিণো বৃষ্টিমন্তঃ প্রভেদাত্ .
যোধাগ্রণ্যঃ প্রতিদশমুখং সংযুগে তস্থিবাংসঃ
প্রত্যাদিষ্টাভরণরুচযশ্চন্দ্রহাসব্রণাঙ্কৈঃ .. ?..

যত্রোন্মত্তভ্রমরমুখরাঃ পাদপা নিত্যপুষ্পা
হংসশ্রেণীরচিতরশনা নিত্যপদ্মা নলিন্যঃ .
কেকোত্কণ্ঠা ভবনশিখিনো নিত্যভাস্বত্কলাপা
নিত্যজ্যোত্স্নাঃ প্রতিহততমোবৃত্তিরম্যাঃ প্রদোষাঃ .. ?..

অক্ষয্যান্তর্ভবননিধযঃ প্রত্যহং রক্তকণ্ঠৈঃ
উদ্গাযদ্ভির্ধনপতিযশঃ কিংনরৈর্যত্র সার্ধম্ .
বৈভ্রাজাখ্যং বিবুধবনিতাবারমুখ্যাসহাযা
বদ্ধালাপা বহিরুপবনং কামিনো নির্বিশন্তি .. ?..

বাসশ্চিত্রং মধু নযনযোর্বিভ্রমাদেশদক্ষং
পুষ্পোদ্ভেদং সহ কিসলযৈর্ভূষণানং বিকল্পম্ .
লাক্ষারাগং চরণকমলন্যাসযোগ্যং চ যস্যাং
একঃ সূতে সকলমবলামণ্ডনং কল্পবৃক্ষঃ .. ?..

স্নিগ্ধাঃ সখ্যঃ ক্ষণমপি দিবা তাং ন মোক্ষ্যন্তি তন্বীং
একপ্রখ্যা ভবতি হি জগত্যঙ্গনানাং প্রবৃত্তিঃ .
স ত্বং রাত্রৌ জলদ শযনাসন্নবাতাযানস্থঃ
কান্তাং সুপ্তে সতি পরিজনে বীতনিদ্রামুপেযাঃ .. ?..

অন্বেষ্টব্যামবনিশযনে সন্নিকীর্ণৈকপার্শ্বাং
তত্পর্যন্তপ্রগলিতলবৈশ্ছিন্নঃআরৈরিবাস্রৈঃ .
ভূযো ভূযঃ কঠিনবিষমাং সারযন্তীং কপোলাদ্
আমোক্তব্যামযমিতনখেনৈকবেণীং করেণ .. ?..

ধারাসিক্তস্থলসুরভিণস্ত্বন্মুখস্যাস্য বালে
দূরীভূতং প্রতনুমপি মাং পঞ্চবাণঃ ক্ষিণোতি .
ঘর্মান্তেঽস্মিন্ বিগণয কথং বাসরাণি ব্রজেযুঃ
দিক্সংসক্তপ্রবিততঘনব্যস্তসূর্যাতপানি .. ?..

ইত্যাখ্যাতে সুরপতিসখঃ শৈলকুল্যাপুরীষু
স্থিত্বা স্থিত্বা ধনপতিপুরীং বাসরৈঃ কৈশ্চিদাপ .
মত্বাগারং কনকরুচিরং লক্ষণৈঃ পূর্বমুক্তৈঃ
তস্যোত্সঙ্গে ক্ষিতিতলগতাং তাং চ দীনাং দদর্শ .. ?..

তস্মাদদ্রের্নিগদিতুমথো শীঘ্রমেত্যালকাযাং
যক্ষাগারং বিগলিতনিভং দিষ্টচিহ্নৈর্বিদিত্বা .
যত্ সংদিষ্টং প্রণযমধুরং গুহ্যকেন প্রযত্নাত্
তদ্গেহিন্যাঃ সকলমবদত্ কামরূপী পযোদঃ .. ?..

তত্সংদেশং জলধরবরো দিব্যবাচাঽঽচচক্ষে
প্রাণাংস্তস্যা জনহিতরতো রক্ষিতুং যক্ষবধ্বাঃ .
প্রাপ্যোদন্তং প্রমুদিতমনাঃ সাপি তস্থৌ স্বভর্তুঃ
কেষাং ন স্যাদবিতথফলা প্রার্থনা হ্যুত্তমেষু .. ?..

শ্রুত্বা বার্ত্তাং জলদকথিতাং তাং ধনেশোঽপি সদ্যঃ
শাপস্যান্তং সদযহৃদযঃ সংবিধাযাস্তকোপঃ .
সংযোজ্যৈতৌ বিগলিতশুচৌ দংপতী হৃষ্টচিত্তৌ
ভোগানিষ্টানবিরতসুখং ভোজযামাস শশ্বত্ .. ?..

ইত্থংভূতং সুরচিতপদং মেঘদূতাভিধানং
কামক্রীডাবিরহিতজনে বিপ্রযোগে বিনোদঃ .
মেঘস্যাস্মিন্নতিনিপুণতা বুদ্ধিভাবঃ কবীনাং
নত্বার্যাযাশ্চরণকমলং কালিদাসশ্চকার .. ?..

মেঘদূতম্ / পূর্বমেঘ

মেঘদূত

.. মেঘদূত ( কালিদাস) ..

Meghaduuta
Kalidasa’s Cloud Messenger

Puurvamegha

কশ্চিত্ কান্তাবিরহগুরুণা স্বাধিকারাত্প্রমত্তঃ
শাপেনাস্তঙ্গমিতমহিমা বর্ষভোগ্যেণ ভর্তুঃ .
যক্ষশ্চক্রে জনকতনযাস্নানপুণ্যোদকেষু
স্নিগ্ধচ্ছাযাতরুষু বসতিং রামগির্যাশ্রমেষু .. ১..

তস্মিন্নদ্রৌ কতিচিদবলাবিপ্রযুক্তঃ স কামী
নীত্বা মাসান্ কনকবলযভ্রংশরিক্তপ্রকোষ্ঠঃ .
আষাঢস্য প্র(শ)থমদিবসে মেঘমাশ্লিষ্টসানুং
বপ্রক্রীডাপরিণতগজপ্রেক্ষণীযং দদর্শ .. ২..

তস্য স্থিত্বা কথমপি পুরঃ কৌতুকাধানহেতোঃ
অন্তর্বাষ্পশ্চিরমনুচরো রাজরাজস্য দধ্যৌ .
মেঘালোকে ভবতি সুখিনোঽপ্যন্যথাবৃত্তি চেতঃ
কণ্ঠাশ্লেষপ্রণযিনি জনে কিং পুনর্দূরসংস্থে .. ৩..

প্রত্যাসন্নে নভসি দযিতাজীবিতালম্বনার্থী
জীমূতেন স্বকুশলমযীং হরযিষ্যন্ প্রবৃত্তিম্ .
স প্রত্যগ্রৈঃ কুটজকুসুমৈঃ কল্পিতার্ঘায তস্মৈ
প্রীতঃ প্রীতিপ্রমুখবচনং স্বাগতং ব্যাজহার .. ৪..

ধূমজ্যোতিঃ সলিলমরুতাং সংনিপাতঃ ক্ব মেঘঃ
সংদেশার্থাঃ ক্ব পটুকরণৈঃ প্রাণিভিঃ প্রাপণীযাঃ .
ইত্যৌত্সুক্যাদপরিগণযন্ গুহ্যকস্তং যযাচে
কামার্তা হি প্রকৃতিকৃপণাশ্চেতনাচেতনেষু .. ৫..

জাতং বংশে ভুবনবিদিতে পুষ্করাবর্তকানাং
জানামি ত্বাং প্রকৃতিপুরুষং কামরূপং মঘোনঃ .
তেনার্থিত্বং ত্বযি বিধিবশাদ্দূরবন্ধুর্গতোঽহং
যাচ্ঞা মোঘা বরমধিগুণে নাধমে লব্ধকামা .. ৬..

সংতপ্তানাং ত্বমসি শরণং তত্ পযোদ প্রিযাযাঃ
সংদেশং মে হর ধনপতিক্রোধবিশ্লেষিতস্য .
গন্তব্যা তে বসতিরলকা নাম যক্ষেশ্বরাণাং
বাহ্যোদ্যানস্থিতহরশিরশ্চন্দ্রিকাধৌতহর্ম্যা ৭..

ত্বামারূঢং পবনপদবীমুদ্গৃহীতালকান্তাঃ
প্রেক্ষিষ্যন্তে পথিকবনিতাঃ প্রত্যযাদাশ্বসন্ত্যঃ .
কঃ সংনদ্ধে বিরহবিধুরাং ত্বয্যুপেক্ষেত জাযাং
ন স্যাদন্যোঽপ্যহমিব জনো যঃ পরাধীনবৃত্তিঃ .. ৮..

মন্দং মন্দং নুদতি পবনশ্চানুকূলো যথা ত্বাং
বামশ্চাযং নদতি মধুরং চাতকস্তে সগন্ধঃ .
গর্ভাধানক্ষণপরিচযান্নূনমাবদ্ধমালাঃ
সেবিষ্যন্তে নযনসুভগং খে ভবন্তং বলাকাঃ .. ৯..

তাং চাবশ্যং দিবসগণনাতত্পরামেকপত্নীং
অব্যাপন্নামবিহতগতির্দ্রক্ষ্যসি ভ্রাতৃজাযাম্ .
আশাবন্ধঃ কুসুমসদৃশং প্রাযশো হ্যঙ্গনানাং
সদ্যঃপাতি প্রণযি হৃদযং বিপ্রযোগে রুণদ্ধি .. ১০..

কর্তুং যচ্চ প্রভবতি মহীমুচ্ছিলিন্ধ্রামবন্ধ্যাং
তচ্ছ্রুত্ব অ তে শ্রবণসুভগং গর্জিতং মানসোত্কাঃ .
আ কৈলাসাদ্বিসকিসলযচ্ছেদপাথেযবন্তঃ
সংপত্স্যন্তে নভসি ভবতো রাজহংসাঃ সহাযাঃ .. ১১..

আপৃচ্ছস্ব প্রিযসখমমুং তুঙ্গমালিঙ্গ্য শৈলং
বন্দ্যৈঃ পুংসাং রঘুপতিপদৈরঙ্কিতং মেখলাসু .
কালে কালে ভবতি ভবতো যস্য সংযোগমেত্য
স্নেহব্যক্তিশ্চিরবিরহজং মুঞ্চতো বাষ্পমুষ্ণম্ .. ১২..

মার্গং তাবচ্ছৃণু কথযতস্ত্বত্প্রযাণানুরূপং
সংদেশং মে তদনু জলদ শ্রোষ্যসি শ্রোত্রপেযম্ .
খিন্নঃ খিন্নঃ শিখরিষু পদং ন্যস্য গন্তাসি যত্র
ক্ষীনঃ ক্ষীণঃ পরিলঘু পযঃ স্রোতসং চোপভুজ্য .. ১৩..

অদ্রেঃ শৃঙ্গং হরতি পবনঃ কিং স্বিদিত্যুন্মুখীভির্
দ্র্ষ্টোত্সাহচ্চকিতচকিতং মুগ্ধসিদ্ধাঙ্গনাভিঃ .
স্থানাদস্মাত্ সরসনিচুলাদুত্পতোদঙ্মুখঃ খং
দিঙ্নাগানাং পথি পরিহরন্ স্থূলহস্তাবলেপান্ .. ১৪..

রত্নচ্ছাযাব্যতিকর ইব প্রেক্ষ্যমেতত্ পুরস্তাদ্
বল্মীকাগ্রাত্ প্রভবতি ধনুষ্খণ্ডমাখণ্ডলস্য .
যেন শ্যামং বপুরতিতরাং কান্তিমাপত্স্যতে তে
বর্হেণেব স্ফুরিতরুচিনা গোপবেশস্য বিষ্ণোঃ .. ১৫..

ত্বয্যাযত্তং কৃষিফলমিতি ভ্রূবিলাসানভিজ্ঞৈঃ
প্রীতিস্নিগ্ধৈর্জনপদবধূলোচনৈঃ পীযমানঃ .
সদ্যঃসীরোত্কষণসুরভি ক্ষেত্রমারুহ্য মালং
কিংচিত্পশ্চাদ্ব্রজ লঘুগতির্ভূয এবোত্তরেণ .. ১৬..

ত্বামাসারপ্রশমিতবনোপপ্লবং সাধু মূর্ধ্না
বক্ষ্যত্যধ্বশ্রমপরিগতং সানুমানাম্রকূটঃ .
ন ক্ষুদ্রোঽপি প্রথমসুকৃতাপেক্ষযা সংশ্রযায
প্রাপ্তে মিত্রে ভবতি বিমুখঃ কিং পুনর্যস্তথোচ্চৈঃ .. ১৭..

ছন্নোপান্তঃ পরিণতফলদ্যোতিভিঃ কাননাম্রৈঃ
ত্বয্যারূঢে শিখরমচলঃ স্নিগ্ধবেণীসবর্ণে .
নূনং যাস্যত্যমরমিথুনপ্রেক্ষণীযমবস্থাং
মধ্যে শ্যামঃ স্তন ইব ভুবঃ শেষবিস্তারপাণ্ডুঃ .. ১৮..

স্থিত্বা তস্মিন্ বনচরবধূভুক্তকুঞ্জে মুহূর্তং
তোযোত্সর্গদ্রুততরগতিস্তত্পরং বর্ত্ম তীর্ণঃ .
রেবাং দ্রক্ষ্যস্যুপলবিষমে বিন্ধ্যপাদে বিশীর্ণাং
ভক্তিচ্ছেদৈরিব বিরচিতাং ভূতিমঙ্গে গজস্য .. ১৯..

তস্যাস্তিক্তৈর্বনগজমদৈর্বাসিতং বান্তবৃষ্টিঃ
জম্বূকুঞ্জপ্রতিহতরযং তোযমাদায গচ্ছেঃ .
অন্তঃসারং ঘন তুলযিতুং নানিলঃ শক্ষ্যতি ত্বাং
রিক্তঃ সর্বো ভবতি হি লঘুঃ পূর্ণতা গৌরবায .. ২০..

নীপং দৃষ্ট্বা হরিতকপিশং কেষরৈরর্ধরূঢৈঃ
আবির্ভূতপ্রথমমুকুলাঃ কন্দলীশ্চানুকচ্ছম্ .
জগ্ধ্বারণ্যেষ্বধিকসুরভিং গন্ধমাঘ্রায চোর্ব্যাঃ
সারঙ্গাস্তে জললবমুচঃ সূচযিষ্যন্তি মার্গম্ .. ২১..

উত্পশ্যামি দ্রুতমপি সখে মত্প্রিযার্থং যিযাসোঃ
কালক্ষেপং ককুভসুরভৌ পর্বতে পর্বতে তে .
শুক্লাপাঙ্গৈঃ সজলনযনৈঃ স্বাগতীকৃত্য কেকাঃ
প্রত্যুদ্যাতঃ কথমপি ভবান্ গন্তুমাশু ব্যবস্যেত্ .. ২২..

পাণ্ডুচ্ছাযোপবনবৃতযঃ কেতকৈঃ সূচিভিন্নৈঃ
নীডারম্ভৈর্গৃহবলিভুজামাকুলগ্রামচৈত্যাঃ .
ত্বয্যাসন্নে পরিণতফলশ্যামজম্বূবনান্তাঃ
সংপত্স্যন্তে কতিপযদিনস্থাযিহংসা দশার্ণাঃ .. ২৩..

তেষং দিক্ষু প্রথিতবিদিশালক্ষণাং রাজধানীং
গত্বা সদ্যঃ ফলমবিকলং কামুকত্বস্য লব্ধা .
তীরোপান্তস্তনিতসুভগং পাস্যসি স্বাদু যস্মাত্
সভ্রূভঙ্গং মুখমিব পযো বেত্রবত্যাশ্চলোর্মি .. ২৪..

নীচৈরাখ্যং গিরিমধিবসেস্তত্র বিশ্রামহেতোঃ
ত্বত্সংপর্কাত্ পুলকিতমিব প্রৌঢপুষ্পৈঃ কদম্বৈঃ .
যঃ পণ্যস্ত্রীরতিপরিমলোদ্গারিভির্নাগরাণাং
উদ্দামানি প্রথযতি শিলাবেশ্মভির্যৌবনানি .. ২৫..

বিশ্রান্তঃ সন্ ব্রজ বননদীতীরজাতানি সিঞ্চন্ন
উদ্যানানাং নবজলকণৈর্যূথিকাজালকানি .
গণ্ডস্বেদাপনযনরুজাক্লান্তকর্ণোত্পলানাং
ছাযাদানাত্ ক্ষণপরিচিতঃ পুষ্পলাবীমুখানাম্ .. ২৬..

বক্রঃ পন্থা যদপি ভবতঃ প্রস্থিতস্যোত্তরাশাং
সৌধোত্সঙ্গপ্রণযবিমুখো মা স্ম ভূরুজ্জযিন্যাঃ .
বিদ্যুদ্দামস্ফুরিতচকিতৈস্তত্র পৌরাঙ্গনানাং
লোলাপাঙ্গৈর্যদি ন রমসে লোচনৈর্বঞ্চিতোঽসি .. ২৭..

বীচিক্ষোভস্তনিতবিহগশ্রেণিকাঞ্চীগুণাযাঃ
সংসর্পন্ত্যাঃ স্খলিতসুভগং দর্শিতাবর্তনাভেঃ .
নির্বিন্ধ্যাযাঃ পথি ভব রসাভ্যন্তরঃ সন্নিপত্য
স্ত্রীণামাদ্যং প্রণযবচনং বিভ্রমো হি প্রিযেষু .. ২৮..

বেণীভূতপ্রতনুসলিলাসাবতীতস্য সিন্ধুঃ
পাণ্ডুচ্ছাযা তটরুহতরুভ্রংশিভির্জীর্ণপর্ণৈঃ .
সৌভাগ্যং তে সুভগ বিরহাবস্থযা ব্যঞ্জযন্তী
কার্শ্যং যেন ত্যজতি বিধিনা স ত্বযৈবোপপাদ্যঃ .. ২৯..

প্রাপ্যাবন্তীনুদযনকথাকোবিদগ্রামবৃদ্ধান্
পূর্বোদ্দিষ্টামনুসর পুরীং শ্রীবিশালাং বিশালাম্ .
স্বল্পীভূতে সুচরিতফলে স্বর্গিণাং গাং গতানাং
শেষৈঃ পুণ্যৈর্হৃতমিব দিবঃ কান্তিমত্ খণ্ডমেকম্ .. ৩০..

দীর্ঘীকুর্বন্ পটু মদকলং কূজিতং সারসানাং
প্রত্যূষেষু স্ফুটিতকমলামোদমৈত্রীকষাযঃ .
যত্র স্ত্রীণাং হরতি সুরতগ্লানিমঙ্গানুকূলঃ
শিপ্রাবাতঃ প্রিযতম ইব প্রার্থনাচাটুকারঃ .. ৩১..

জালোদ্গীর্ণৈরুপচিতবপুঃ কেশসংস্কারধূপৈঃ
বন্ধুপ্রীত্যা ভবনশিখিভির্দত্তনৃত্ত্যোপহারঃ .
হর্ম্যেষ্বস্যাঃ কুসুমসুরভিষ্বধ্বখেদং নযেথা
লক্ষ্মীং পশ্যংল্ললিতবনিতাপাদরাগাঙ্কিতেষু .. ৩২..

(নীত্বা রাত্রিং ললিতবনিতাপাদরাগাঙ্কিতেষু .. ৩২..)

ভর্তুঃ কণ্ঠচ্ছবিরিতি গণৈঃ সাদরং বীক্ষ্যমাণঃ
পুণ্যং যাযাস্ত্রিভুবনগুরোর্ধাম চণ্ডীশ্বরস্য .
ধূতোদ্যানং কুবলযরজোগন্ধিভির্গন্ধবত্যাঃ
তোযক্রীডানিরতযুবতিস্নানতিক্তৈর্মরুদ্ভিঃ .. ৩৩..

অপ্যন্যস্মিঞ্ জলধর মহাকালমাসাদ্য কালে
স্থাতব্যং তে নযনবিষযং যাবদত্যেতি ভানুঃ .
কুর্বন্ সংধ্যাবলিপটহতাং শূলিনঃ শ্লাঘনীযাং
আমন্দ্রাণাং ফলমবিকলং লপ্স্যসে গর্জিতানাম্ .. ৩৪..

পাদন্যাসৈঃ ক্বণিতরশনাস্তত্র লীলাবধূতৈ
রত্নচ্ছাযাখচিতবলিভিশ্চামরৈঃ ক্লান্তহস্তাঃ .
বেশ্যাস্ত্বত্তো নখপদসুখান্ প্রাপ্য বর্ষাগ্রবিন্দূন্
আমোক্ষ্যন্তে ত্বযি মধুকরশ্রেণিদীর্ঘান্ কটাক্ষান্ .. ৩৫..

পশ্চাদুচ্চৈর্ভুজতরুবনং মণ্ডলেনাভিলীনঃ
সাংধ্যং তেজঃ প্রতিনবজপাপুষ্পরক্তং দধানঃ .
নৃত্যারম্ভে হর পশুপতেরার্দ্রনাগাজিনেচ্ছাং
শান্তোদ্বেগস্তিমিতনযনং দৃষ্টভক্তির্ভবান্যা .. ৩৬..

গচ্ছন্তীনাং রমণবসতিং যোষিতাং তত্র নক্তং
রুদ্ধালোকে নরপতিপথে সূচিভেদ্যৈস্তমোভিঃ .
সৌদামিন্যা কনকনিকষস্নিগ্ধযা দর্শযোর্বীং
তোযোত্সর্গস্তনিতমুখরো মা স্ম ভূর্বিক্লবাস্তাঃ .. ৩৭..

তাং কস্যাং চিদ্ ভবনবলভৌ সুপ্তপারাবতাযাং
নীত্বা রাত্রিং চিরবিলসনাত্ খিন্নবিদ্যুত্কলত্রঃ .
দৃষ্টে সূর্যে পুনরপি ভবান্ বাহযেদধ্বশেষং
মন্দাযন্তে ন খলু সুঃঋদামভ্যুপেতার্থকৃত্যাঃ .. ৩৮..

তস্মিন্ কালে নযনসলিলং যোষিতাং খণ্ডিতানাং
শান্তিং নেযং প্রণযিভিরতো বর্ত্ম ভানোস্ত্যজাশু .
প্রালেযাস্রং কমলবদনাত্ সোঽপি হর্তুং নলিন্যাঃ
প্রত্যাবৃত্তস্ত্বযি কররুধি স্যাদনল্পাভ্যসূযঃ .. ৩৯..

গম্ভীরাযাঃ পযসি সরিতশ্চেতসীব প্রসন্নে
ছাযাত্মাপি প্রকৃতিসুভগো লপ্স্যতে তে প্রবেশম্ .
তস্মাত্ তস্যাঃ কুমুদবিশদান্যর্হসি ত্বং ন ধৈর্যান্
মোঘীকর্তুং চটুলশফরোদ্বর্তনপ্রেক্ষিতানি .. ৪০..

তস্যাঃ কিং চিত্ করধৃতমিব প্রাপ্তবানীরশাখং
নীত্বা নীলং সলিলবসনং মুক্তরোধোনিতম্বম্ .
প্রস্থানং তে কথমপি সখে লম্বমানস্য ভাবি
জ্ঞাতাস্বাদো বিবৃতজঘনাং কো বিহাতুং সমর্থঃ .. ৪১..

ত্বন্নিষ্যন্দোচ্ছ্বসিতবসুধাগন্ধসংপর্করম্যঃ
স্রোতোরন্ধ্রধ্বনিতসুভগং দন্তিভিঃ পীযমানঃ .
নীচৈর্বাস্যত্যুপজিগমিষোর্দেবপূর্বং গিরিং তে
শীতো বাযুঃ পরিণমযিতা কাননোদুম্বরাণাম্ .. ৪২..

তত্র স্কন্দং নিযতবসতিং পুষ্পমেঘীকৃতাত্মা
পুষ্পাসারৈঃ স্নপযতু ভবান্ ব্যোমগঙ্গাজলার্দ্রৈঃ .
রক্ষাহেতোর্নবশশিভৃতা বাসবীনাং চমূনাং
অত্যাদিত্যং হুতবহমুখে সংভ্র্তং তদ্ ধি তেজঃ .. ৪৩..

জ্যোতির্লেখাবলযি গলিতং যস্য বর্হং ভবানী
পুত্রপ্রেম্ণা কুবলযপদপ্রাপি কর্ণে করোতি .
ধৌতাপাঙ্গং হরশশিরুচা পাবকেস্তং মযূরং
পশ্চাদদ্রিগ্রহণগুরুভির্গর্জিতৈর্নর্তযেথাঃ .. ৪৪..

আরাধ্যৈনং শরবণভবং দেবমুল্লঙ্ঘিতাধ্বা
সিদ্ধদ্বন্দ্বৈর্জলকণভযাদ্বীণিভির্মুক্তমার্গঃ .
ব্যালম্বেথাঃ সুরভিতনযালম্ভজাং মানযিষ্যন্
স্রোতোমূর্ত্যা ভুবি পরিণতাং রন্তিদেবস্য কীর্তিম্ .. ৪৫..

ত্বয্যাদাতুং জলমবনতে শার্ঙ্গিণো বর্ণচৌরে
তস্যাঃ সিন্ধোঃ পৃথুমপি তনুং দূরভাবাত্ প্রবাহম্ .
প্রেক্ষিষ্যন্তে গগনগতযো নূনমাবর্জ্য দৃষ্টীঃ
একং মুক্তাগুণমিব ভুবঃ স্থূলমধ্যেন্দ্রনীলম্ .. ৪৬..

তামুত্তীর্য ব্রজ পরিচিতভ্রূলতাবিভ্রমাণাং
পক্ষ্মোত্ক্ষেপাদুপরিবিলসত্কৃষ্ণশরপ্রভাণাম্ .
কুন্দক্ষেপানুগমধুকরশ্রীমুষামাত্মবিম্বং
পাত্রীকুর্বন্ দশপুরবধূনেত্রকৌতূহলানাম্ .. ৪৭..

ব্রহ্মাবর্তং জনপদমধশ্ছাযযা গাহমানঃ
ক্ষেত্রং ক্ষত্রপ্রধনপিশুনং কৌরবং তদ্ ভজেথাঃ .
রাজন্যানাং শিতশরশতৈর্যত্র গাণ্ডীবধন্বা
ধারাপাতৈস্ত্বমিব কমলান্যভ্যবর্ষন্মুখানি .. ৪৮..

হিত্বা হালামভিমতরসাং রেবতীলোচনাঙ্কাং
বন্ধুপ্রীত্যা সমরবিমুখো লাঙ্গলী যাঃ সিষেবে .
কৃত্বা তাসামভিগমমপাং সৌম্য সারস্বতীনাং
অন্তঃশুদ্ধস্ত্বমপি ভবিতা বর্ণমাত্রেণ কৃষ্ণঃ .. ৪৯..

তস্মাদ্ গচ্ছেরনুকনখলং শৈলরাজাবতীর্ণাং
জহ্নোঃ কন্যাং সগরতনযস্বর্গসোপানপঙ্ক্তিম্ .
গৌরীবক্ত্রভ্রুকুটিরচনাং যা বিহস্যেব ফেনৈঃ
শংভোঃ কেশগ্রহণমকরোদিন্দুলগ্নোর্মিহস্তা .. ৫০..

তস্যাঃ পাতুং সুরগজ ইব ব্যোম্নি পূর্বার্ধলম্বী
ত্বং চেদচ্ছস্ফটিকবিশদং তর্কযেস্তির্যগম্ভঃ .
সংসর্পন্ত্যা সপদি ভবতঃ স্রোতসি ছাযযাসৌ
স্যাদস্থানোপগতযমুনাসঙ্গমেবাভিরামা .. ৫১..

আসীনানাং সুরভিতশিলং নাভিগন্ধৈর্মৃগাণাং
তস্যা এব প্রভবমচলং প্রাপ্য গৌরং তুষারৈঃ .
বক্ষ্যস্যধ্বশ্রমবিনযনে তস্য শৃঙ্গে নিষণ্ণঃ
শোভাং শুভ্রত্রিনযনবৃষোত্খাতপঙ্কোপমেযাম্ .. ৫২..

তং চেদ্ বাযৌ সরতি সরলস্কন্ধসঙ্ঘট্টজন্মা
বাধেতোল্কাক্ষপিতচমরীবালভারো দবাগ্নিঃ .
অর্হস্যেনং শমযিতুমলং বারিধারাসহস্রৈঃ
আপন্নার্তিপ্রশমনফলাঃ সংপদো হ্যুত্তমানাম্ .. ৫৩..

(যে ত্বাং মুক্তধ্বনিমসহনাঃ কাযভঙ্গায তস্মিন্
দর্পোত্সেকাদুপরি শরভা লঙ্ঘযিষ্যন্ত্যলঙ্ঘ্যম্ .)

যে সংরম্ভোত্পতনরভসাঃ স্বাঙ্গভঙ্গায তস্মিন্
মুক্তাধ্বান সপদি শরভা লঙ্ঘযেযুর্ভবন্তম্ .
তান্ কুর্বীথাস্তুমুলকরকাবৃষ্টিহাসাবকীর্ণান্
কে বা ন স্যুঃ পরিভবপদং নিষ্ফলারম্ভযত্নাঃ .. ৫৪..

তত্র ব্যক্তং দৃষদি চরণন্যাসমর্ধেন্দুমৌলেঃ
শশ্বত্ সিদ্ধৈরুপহৃতবলিং ভক্তিনম্রঃ পরীযাঃ .
যস্মিন্ দৃষ্টে করণবিগমাদূর্ধ্বমুদ্ধূতপাপাঃ
সংকল্পন্তে স্থিরগণপদপ্রাপ্তযে শ্রদ্দধানাঃ .. ৫৫..

শব্দাযন্তে মধুরমনিলৈঃ কীচকাঃ পূর্যমাণাঃ
সংসক্তাভিস্ত্রিপুরবিজযো গীযতে কিংনরীভিঃ .
নির্হ্রাদী তে মুরজ ইব চেত্ কন্দরেষু ধ্বনিঃ স্যাত্
সঙ্গীতার্থো ননু পশুপতেস্তত্র ভাবী সমগ্রঃ .. ৫৬..

প্রালেযাদ্রেরুপতটমতিক্রম্য তাংস্তান্ বিশেষান্
হংসদ্বারং ভৃগুপতিযশোবর্ত্ম যত্ ক্রৌঞ্চরন্ধ্রম্ .
তেনোদীচীং দিশমনুসরেস্তির্যগাযামশোভী
শ্যামঃ পাদো বলিনিযমনাভ্যুদ্যতস্যেব বিষ্ণোঃ .. ৫৭..

গত্বা চোর্ধ্বং দশমুখভুজোচ্ছ্বাসিতপ্রস্থসংধেঃ
কৈলাসস্য ত্রিদশবনিতাদর্পণস্যাতিথিঃ স্যাঃ .
শৃঙ্গোচ্ছ্রাযৈঃ কুমুদবিশদৈর্যো বিতত্য স্থিতঃ খং
রাশীভূতঃ প্রতিদিনমিব ত্র্যম্বকস্যাট্টহাসঃ .. ৫৮..

উত্পশ্যামি ত্বযি তটগতে স্নিগ্ধভিন্নাঞ্জনাভে
সদ্যঃকৃত্তদ্বিরদদশনচ্ছেদগৌরস্য তস্য .
শোভামদ্রেঃ স্তিমিতনযনপ্রেক্ষণীযাং ভবিত্রীং
অংসন্যস্তে সতি হলভৃতো মেচকে বাসসীব .. ৫৯..

হিত্বা তস্মিন্ভুজগবলযং শংভুনা দত্তহস্তা
ক্রীডাশৈলে যদি চ বিচরেত্ পাদচারেণ গৌরী .
ভঙ্গীভক্ত্যা বিরচিতবপুঃ স্তম্ভিতান্তর্জলৌঘঃ
সোপানত্বং কুরু মণিতটারোহণায়াগ্রয়ায়ী  । ৬০। 

তত্রাবশ্যং বলয়কুলিশোদ্ধট্টনোগ্দীর্ণতোয়ং
নেষ্যন্তি ত্বাং সুরযুবতয়ো যন্ত্রধারাগৃহত্বম্ .
তাভ্যো মোক্ষস্তব যদি সখে ঘর্মলব্ধস্য ন স্যাত্
ক্রীডালোলাঃ শ্রবণপরুষৈর্গর্জিতৈর্ভায়য়েস্তাঃ । ৬১।

হেমাম্ভোজপ্রসবি সলিলং মানসস্যাদদানঃ
কুর্বন্ কামাত্ ক্ষণমুখপটপ্রীতিমৈরাবতস্য .
ধুন্বন্কল্পদ্রুমকিসলয়ান্যংশুকানীব বাতৈঃ
নানাচেষ্টৈর্জলদ ললিতৈর্নির্বিশেস্তং নগেন্দ্রম্  । ৬২। 

(ধুন্বন্ বাতৈঃ সজলপৃষতৈঃ কল্পবৃক্ষাংশুকানি
চ্ছায়াভিন্নঃ স্ফটিকবিশদং নির্বিশেঃ পর্বতং তম্  । ৬২। 

তষ্যোত্সঙ্গে প্রণয়িন ইব স্রস্তগঙ্গাদুকূলাং
ন ত্বং দৃষ্ট্বা ন পুনরলকাং জ্ঞাস্যসে কামচারিন্ .
য়া বঃ কালে বহতি সলিলোদ্গারমুচ্চৈর্বিমানা
মুক্তাজালগ্রথিতমলকং কামিনীবাভ্রবৃন্দম্ । ৬৩।