ত্রিপুরাসুন্দরী স্তোত্রম

।। শ্রী ত্রিপুরাসুন্দরী স্তোত্রম্ ।।

ততঃ পদ্মনিভাং দেবীং বালার্ককিরণোজ্জ্বলাং । জবাকুসুমসঙ্কাশাং দাড়িমীকুসুমোপমাং ।। ১ ।।

পদ্মরাগপ্রতীকাশাং কুঙ্কুমারুণসন্নিভাং । স্ফুরন্মুকুটমাণিক্যকিঙ্কিণীজালমণ্ডিতাং ।। ২ ।।

কালালিকুলসঙ্কাশকুটিলালকপল্লবাং । প্রত্যগ্রারুণসঙ্কাশবদনাম্ভোজমণ্ডলাং ।। ৩ ।।

কিঞ্চিদর্ধেন্দুকুটিলললাটমৃদুপট্টিকাং । সুগণ্ডমণ্ডলাভোগজিতেন্দ্বমৃতমণ্ডলাং ।। ৪ ।।

বিশ্বকর্মবিনির্মাণসূত্রসুস্পষ্টনাসিকাং । তাম্রবিদ্রুমবিম্বাভরক্তৌষ্ঠীমমৃতোপমাং ।। ৫ ।।

স্মিতমাধুর্যবিজিতমাধুর্যরসসাগরাং । অনৌপম্যগুণোপেতচিবুকোদ্দেশশোভিতাং ।। ৬ ।।

কম্বুগ্রীবাং মহাদেবীং মৃণালললিতভুজাঁ । রক্তোৎপলদলাকারসুকুমারকরাম্বুজাং ।। ৭ ।।

রক্তাম্বুজনখজ্যোতির্বিতানিতনভস্তলাং । মুক্তাহারলতোপেতসমুন্নতপয়োধরাং ।। ৮ ।।

ত্রিবলীবলয়োপেতমধ্যদেশসুশোভিতাং । লাবণ্যসরিদাবর্তাকারনাভিবিভূষিতাং ।। ৯ ।।

অনর্ঘরত্নঘটিতকাঞ্চীযুতনিতম্বিনীং । নিতম্ববিম্বদ্বিরদরোমরাজিবরাঙ্কুশাং ।। ১০ ।।

কদলীললিতস্তম্ভসুকুমারোরুমীশ্বরীং । লাবণ্যকুসুমাকারজানুমণ্ডলবন্ধুরাং ।। ১১ ।।

লাবণ্যকদলীতুল্যজঙ্ঘাযুগলমণ্ডিতাং । গূঢ়গুল্ফপদদ্বন্দ্বপ্রপদাজিতকচ্ছপাং ।। ১২ ।।

তনুদীর্ঘাঙ্গুলিস্বচ্ছনখরাজিবিরাজিতাং । ব্রহ্মবিষ্ণুশিরোরত্ননিঘৃষ্টচরণাম্বুজাং ।। ১৩ ।।

শীতাংশুশতসঙ্কাশকান্তিসন্তানহাসিনীং । লৌহিত্যজিতসিন্দূরজবাদাড়িমরূপিণীং ।। ১৪ ।।

রক্তবস্ত্রপরীধানাং পাশাঙ্কুশকরোদ্যতাং । রক্তপদ্মনিবিষ্টাঁ তু রক্তাভরণভূষিতাং ।। ১৫ ।।

চতুর্ভুজাং ত্রিনেত্রাঁ তু পঞ্চবাণধনুর্ধরাং । কর্পূরশকলোন্মশ্রিতাম্বূলপূরিতাননাং ।। ১৬ ।।

মহামৃগমদোদ্দামকুঙ্কুমারুণবিগ্রহাং । সর্বশৃঙ্গারবেশাঢ্যাং সর্বাভরণভূষিতাং ।। ১৭ ।।

জগদাহ্লাদজননীং জগদ্রঞ্জনকারিণীং । জগদাকর্ষণকরীং জগৎকারণরূপিণীং ।। ১৮ ।।

সর্বমন্ত্রময়ীং দেবীং সর্বসৌভাগ্যসুন্দরীং । সর্বলক্ষ্মীময়ীং নিত্যাং সর্বশক্তিময়ীং শিবাং ।। ১৯ ।।

আদিত্য হৃদয় স্তোত্রম

সর্বমঙ্গলমাঙ্গল্যং সর্বপাপপ্রণাশনম্ । চিন্তাশোকপ্রশমনম্ আয়ুর্বর্ধনমুত্তমম্ ॥

রশ্মিমন্তং সমুদ্যন্তং দেবাসুরনমস্কৃতম্ । 

পূজয়স্ব বিবস্বন্তং ভাস্করং ভুবনেশ্বরম্ ॥

সর্বদেবাত্মকো হ্যেষ তেজস্বী রশ্মিভাবনঃ । 

এষ দেবাসুরগণাঁল্লোকান্ পাতি গভস্তিভিঃ ॥

এষ ব্রহ্মা চ বিষ্ণুশ্চ শিবঃ স্কন্দঃ প্রজাপতিঃ । 

মহেন্দ্রো ধনদঃ কালো যমঃ সোমো হ্যপাংপতিঃ ॥

পিতরো বসবঃ সাধ্যা হ্যশ্বিনৌ মরুতো মনুঃ ।

 বায়ুর্বহ্নিঃ প্রজাপ্রাণ ঋতুকর্তা প্রভাকরঃ ॥

আদিত্যঃ সবিতা সূর্যঃ খগঃ পূষা গভস্তিমান্ । সুবর্ণসদৃশো ভানুর্হিরণ্যরেতা দিবাকরঃ ॥

হরিদশ্বঃ সহস্রার্চিঃ সপ্তসপ্তির্মরীচিমান্ । 

তিমিরোন্মথনঃ শম্ভুস্ত্বষ্টা মার্তণ্ডকোঽংশুমান্ ॥

হিরণ্যগর্ভঃ শিশিরস্তপনো ভাস্করো রবিঃ । অগ্নিগর্ভোঽদিতেঃ পুত্রঃ শঙ্খঃ শিশিরনাশনঃ ॥

ব্যোমনাথস্তমোভেদী ঋগ্যজুঃসামপারগঃ । 

ঘনবৃষ্টিরপাং মিত্রো বিন্ধ্যবীথীপ্লবঙ্গমঃ ॥

আতপী মণ্ডলী মৃত্যুঃ পিঙ্গলঃ সর্বতাপনঃ । 

কবির্বিশ্বো মহাতেজা রক্তঃ সর্বভবোদ্ভবঃ ॥

নক্ষত্রগ্রহতারাণামধিপো বিশ্বভাবনঃ । 

তেজসামপি তেজস্বী দ্বাদশাত্মন্নমোঽস্তু তে ॥

নমঃ পূর্বায় গিরয়ে পশ্চিমায়াদ্রয়ে নমঃ । 

জ্যোতির্গণানাং পতয়ে দিনাধিপতয়ে নমঃ ॥

জয়ায় জয়ভদ্রায় হর্যশ্বায় নমো নমঃ । 

নমো নমঃ সহস্রাংশো আদিত্যায় নমো নমঃ ॥

নম উগ্রায় বীরায় সারঙ্গায় নমো নমঃ । 

নমঃ পদ্মপ্রবোধায় মার্তণ্ডায় নমো নমঃ ॥

ব্রহ্মেশানাচ্যুতীশায় সূর্যায়াদিত্যবর্চসে । 

ভাস্বতে সর্বভক্ষায় রৌদ্রায় বপুষে নমঃ ॥

তমোঘ্নায় হিমঘ্নায় শত্রুঘ্নায়ামিতাত্মনে । 

কৃতঘ্নঘ্নায় দেবায় জ্যোতিষাং পতয়ে নমঃ ॥

তপ্তচামীকরাভায় বহ্নয়ে বিশ্বকর্মণে । 

নমস্তমোঽভিনিঘ্নায় রুচয়ে লোকসাক্ষিণে ॥

নাশয়ত্যেষ বৈ ভূতং তদেব সৃজতি প্রভুঃ । 

পায়ত্যেষ তপত্যেষ বর্ষত্যেষ গভস্তিভিঃ ॥

এষ সুপ্তেষু জাগর্তি ভূতেষু পরিনিষ্ঠিতঃ । 

এষ এবাগ্নিহোত্রং চ ফলং চৈবাগ্নিহোত্রিণাম্ ॥

বেদাশ্চ ক্রতবশ্চৈব ক্রতূনাং ফলমেব চ । 

যানি কৃত্যানি লোকেষু সর্ব এষ রবিঃ প্রভুঃ ॥

এনমাপৎসু কৃচ্ছ্রেষু কান্তারেষু ভয়েষু চ । 

কীর্তয়ন্ পুরুষঃ কশ্চিন্নাবসীদতি রাঘব ॥

পূজয়স্বৈনমেকাগ্রো দেবদেবং জগৎপতিম্ । 

এতৎ ত্রিগুণিতং জপ্ত্বা যুদ্ধেষু বিজয়িষ্যসি ॥

অস্মিন্ ক্ষণে মহাবাহো রাবণং ত্বং বধিষ্যসি । 

এবমুক্ত্বা তদাগস্ত্যো জগাম স যথাগতম্ ॥

এতচ্ছ্রুত্বা মহাতেজা নষ্টশোকোঽভবত্তদা । 

ধারয়ামাস সুপ্রীতো রাঘবঃ প্রযতাত্মবান্ ॥

আদিত্যং প্রেক্ষ্য জপ্ত্বা তু পরং হর্ষমবাপ্তবান্ । 

ত্রিরাচম্য শুচির্ভূত্বা ধনুরাদায় বীর্যবান্ ॥

রাবণং প্রেক্ষ্য হৃষ্টাত্মা যুদ্ধায় সমুপাগমৎ । 

সর্বযত্নেন মহতা বধে তস্য ধৃতোঽভবৎ ॥

অথ রবিরবদন্নিরীক্ষ্য রামং মুদিতমনাঃ পরমং প্রহৃষ্যমাণঃ । 

নিশিচরপতিসংক্ষয়ং বিদিত্বা সুরগণমধ্যগতো বচস্ত্বরেতি ॥

॥ ইতি আদিত্যহৃদয়স্তোত্রং সম্পূর্ণম্ ॥

তুলসীদাস কৃত শিবস্তোত্র

ভস্ম অঙ্গ, মর্দন অনঙ্গ, 

সন্তত অসঙ্গ হর। 

সীস গঙ্গ, গিরিজা অর্দ্ধঙ্গ 

ভুজঙ্গবর।।

মুণ্ডমাল, বিধু বাল ভাল, 

ডমরূ কপালু কর।

 বিবুধবৃন্দ-নবকুমুদ-চন্দ, 

সুখকন্দ সূলধর।।

ত্রিপুরারি ত্রিলোচন, দিগ্বসন, 

বিষভোজন, ভবভয়হরন। 

কহ তুলসিদাসু সেবত সুলভ 

সিব সিব সংকর সরন।।

গরল-অসন দিগবসন ব্যসন

 ভঞ্জন জনরঞ্জন। 

কুন্দ-ইন্দু-কর্পূর-গৌর 

সচ্চিদানন্দঘন।।

বিকটবেষ, উর সেষ,

 সীস সুরসরিত সহজ সুচি। 

সিব অকামী অভিরামধাম 

নিত রামনাম রুচি।

কন্দর্প দুর্গম দমন উমারমন

 গুন ভবন হর। ত্রিপুরারি! ত্রিলোচন! ত্রিগুনপর! ত্রিপুরমথন! জয় ত্রিদসবর।।