রাম কৃত কাত্যায়নীস্তুতিঃ (অনুবাদ সমেত)
শ্রীরাম উবাচ
নমস্তে ত্রিজগদ্বন্দ্যে সংগ্রামে জয়দায়িনি ।
প্রসীদ বিজয়ং দেহি কাত্যায়নি নমোঽস্তু তে ॥ ১॥
সর্বশক্তিময়ে দুষ্টরিপুনিগ্রহকারিণী ।
দুষ্টজৃম্ভিণি সঙ্গ্রামে জয়ং দেহি নমোঽস্তু তে ॥ ২॥
ত্বমেকা পরমাশক্তিঃ সর্বভূতেষ্ববস্থিতা ।
দুষ্টান্সংহর সঙ্গ্রামে জয়ং দেহি নমোঽস্তু তে ॥ ৩॥
রণপ্রিয়ে রক্তভক্ষে মাংসভক্ষণকারিণি ।
প্রপন্নার্তিহরে য়ুদ্ধে জয়ং দেহি নমোঽস্তু তে ॥ ৪॥
খট্বাঙ্গাসিকরে মুণ্ডমালাদ্যোতিতবিগ্রহে ।
য়ে ত্বাং স্মরন্তি দুর্গেষু তেষাং দুঃখহরা ভব ॥ ৫॥
ত্বত্পাদপঙ্কজাদ্দৈন্যং নমস্তে শরণপ্রিয়ে ।
বিনাশায় রণে শত্রূন্ জয়ং দেহি নমোঽস্তু তে ॥ ৬॥
অচিন্ত্যবিক্রমেঽচিন্ত্যরূপসৌন্দর্যশালিনি ।
অচিন্ত্যচরিতেঽচিন্ত্যে জয়ং দেহি নমোঽস্তু তে ॥ ৭॥
য়ে ত্বাং স্মরন্তি দুর্গেষু দেবীং দুর্গবিনাশিনীম্ ।
নাবসীদন্তি দুর্গেষু জয়ং দেহি নমোঽস্তু তে ॥ ৮॥
মহিষাসৃক্প্রিয়ে সঙ্খ্যে মহিষাসুরমর্দিনি ।
শরণ্যে গিরিকন্যে মে জয়ং দেহি নমোঽস্তু তে ॥ ৯॥
প্রসন্নবদনে চণ্ডি চণ্ডাসুরবিমর্দিনি ।
সঙ্গ্রামে বিজয়ং দেহি শত্রূন্ জহি নমোঽস্তু তে ॥ ১০॥
রক্তাক্ষি রক্তদশনে রক্তচর্চিতগাত্রকে ।
রক্তবীজনিহন্ত্রী ত্বং জয়ং দেহি নমোঽস্তু তে ॥ ১১॥
নিশুম্ভশুম্ভসংহন্ত্রি বিশ্বকর্ত্রি সুরেশ্বরি ।
জহি শত্রূন্ রণে নিত্যং জয়ং দেহি নমোঽস্তু তে ॥ ১২॥
ভবান্যেতত্সর্বমেব ত্বং পালয়সি সর্বদা ।
রক্ষ বিশ্বমিদং মাতর্হত্বৈতান্ দুষ্টরাক্ষসান্ ॥ ১৩॥
ত্বং হি সর্বগতা শক্তির্দুষ্টমর্দনকারিণি ।
প্রসীদ জগতাং মাতর্জয়ং দেহি নমোঽস্তু তে ॥ ১৪॥
দুর্বৃত্তবৃন্দদমিনি সদ্বৃত্তপরিপালিনি ।
নিপাতয় রণে শত্রূঞ্জয়ং দেহি নমোঽস্তু তে ॥ ১৫॥
কাত্যায়নি জগন্মাতঃ প্রপন্নার্তিহরে শিবে ।
সঙ্গ্রামে বিজয়ং দেহি ভয়েভ্যঃ পাহি সর্বদা ॥ ১৬॥
শ্রী শ্রী মহাভাগবতপুরাণে শ্রীরামকৃতা কাত্যায়নীস্তুতিঃ সম্পূর্ণম॥
কোন মন্তব্য নেই:
একটি মন্তব্য পোস্ট করুন